- ein stovnur í Vága Kommunu
Foreldraráðið í Sóljugarði hevur skipað seg. Í ráðnum eru:
Sóley Kerlok, Vár Eydnudóttir, Asta Fróðadóttir Joensen, Sólja Fríða Jóanisdóttir og Tórunn í Horni Nielsen
Sóley Kerlok er mamma Oliviu sum gongur í Bakkastovu. Sóley hevur verið í foreldraráðnum síðani 2020 og er forkvinna.
Sóley hevur ein stóran áhuga fyri umhvørvinum, endurnýtslu og at gangnýta føroyska tilfeingið. Hetta ynskir Sóley at brúka í sínum leikluti í foreldraráðnum.
Vár Eydnudóttir er mamma Viólu, sum gongur í Giljastovu. Vár er nývald í foreldraráðnum og er næstforkvinna.
Vár hevur stóran áhuga fyri námsfrøðini, eini sunnari matmentan, umhvørvistilviti og sum heild hvussu tøknin verður nýtt í barnagarðshøpi.
Asta Fróðadóttir Joensen er mamma Ragnar og Fróða sum ganga í ávikavist Steiga- og Nesastovu. Asta er nývald í foreldraráðnum og er skrivari.
Asta hevur stóran áhuga fyri gransking innan barnaøkið, ið kann vera grundarlagið undir stevnuskránni hjá stovninum. Eins væl og kunning og áhaldandi læring til námsfrøðingar og hjálparfólk.
Sólja Fríða Jóanisdóttir er mamma Brynhild og Fíu, sum ganga í ávikavist Sólju- og Giljastovu.
Sólja raðfestir rúmligheit - at einstaka barnið verður møtt í eygnahædd og at man rúmar barninum har sum barnið er. Sólja sær týdningin í, áhaldandi at seta fokus á fínmotoriska- eins væl og grovmotoriska menning.
Tórunn í Horni Nielsen er mamma Eydnu sum gongur í Steigastovu. Tórunn er nývald í foreldraráðnum.
Tórunn ynskir at raðfesta kunning til foreldur – at kunningin verður miðla í góðari tíð.
Vit vilja fegnar frætta frá tykkum foreldrum/verjum, um tit ynskja at vit skulu taka ávíst mál upp. Vit hava tagnarskyldu og øll mál vera viðgjørd í trúnaði.
Samband fæst við foreldraráðið umvegis teldupost: foreldur.soljugardur@vaga.fo
Endamál foreldraráðsins er at fremja áhugamál foreldrana hjá børnum í Sóljugarði. Ráðið skal arbeiða jaligt fyri at styrkja um samstarvið millum heim, stovn og kommunu. Ráðið skal virka fyri trivnaðinum millum børn, foreldur, starvsfólk og stovn. Ráðið arbeiðir við yvirskipaðum málum, mannagongdum, tiltøkum o.ø. og skal nýtast sum hoyringspartur í viðkomandi málum.